Za 21 korisnika Doma starih „Bijelo Polje“ juče je organizovano druženje u restoranu Goja, na obali Lima, uz pratnju zaposlenih naše ustanove.

Druženje je organizovala NVO Euromost, kojoj iskreno zahvaljujemo na ovoj inicijativi, kao i na uspješnoj i dugogodišnjoj saradnji koja traje još od 2018. godine.

U prijatnoj atmosferi, uz ručak i muziku, naši korisnici proveli su ugodne trenutke u razgovoru i druženju sa aktivistima i volonterima NVO Euromost. Ovakvi susreti predstavljaju lijep primjer međugeneracijskog povezivanja i još jednom potvrđuju društvenu odgovornost i brigu koju ova organizacija pokazuje prema osobama treće životne dobi.

Zahvaljujemo se aktivistima i volonterima NVO Euromost na ukazanoj pažnji i vremenu koje su posvetili našim korisnicima, uz želju da se ovakva druženja nastave i u budućnosti.